عسى ما يوحشك غالي
تطمن يا هوى بالي
أنا في غربتي صابر
مخلي بالي من حالي
أمس أحتجتك وربك
أحتجت لحضنك وقلبك
شفت ألبوم رحلتنا
وزادت حاجتي لقربك
تدري ويش أصعب شي
أنك تفتكرني حي
أنا حي بشكل ميت
طاويني فراقك طي
تعبت من التعب شفني
تعبت أقول واحشني
تعبت أمثل الضحكه
وفي لحظات تكشفني
لو هالبعد يحرقنا
ومن فرحتنا يسرقنا
تأكد حبنا أقوى
تأكد ما يفرقنا
أحبك هي تكفي وزود
قولها تطيح حدود
أحبك كثر هالغربه
كثر ما آنا بك محسود
كلمات / عايد الخالد